कक्षा १२ को परीक्षा साउन ३१ गतेदेखि सुरु

काठमाडौ । राष्ट्रिय परीक्षा बोर्डले कक्षा १२ को अन्तिम वार्षिक परीक्षा लिने तयारी गरेको छ ।

मंगलबार बोर्डको अध्यक्ष चन्द्रमणी पौडेलको अध्यक्षतामा बसेको बैठकले साउन ३१ गते बिहीबारदेखि परीक्षा सञ्चालन गर्ने निर्णय गरेको छ ।

भदौ ९ गतेसम्म सञ्चालन हुने परीक्षामा परीक्षार्थीहरुले होम सेन्टर (आफ्नै विद्यालय)बाट परीक्षा दिन पाउने छन् । भौतिक दूरी कायम राख्दै स्वास्थ्य सुरक्षाको मापदण्ड अपनाएर परीक्षा लिने व्यवस्था मिलाउन समेत बोर्डले निर्देशन दिएको छ ।

परीक्षा बोर्डका परीक्षा नियन्त्रक कृष्ण शर्माका अनुसार ३१ गते बिहान ११ बजेबाट २ बजेसम्म परीक्षा हुनेछ । देशभरका ३ लाख ७७ हजार विद्यार्थीहरू परीक्षामा सहभागी हुनेछन् ।

आफ्नो प्रतिक्रिया दिनुहोस

सम्बन्धित सबै

Back to top button
Close